لو البكى يرجعك يابوي لابكيك

بسم الله الرحمن الرحيم

هذي القصيده كتبها ابن الشاعر المميز رحمه الله (صالح بن عيادة)

مرثيه لابيه

عجزت يامحمد بصوتي اعزيك

خانتني العبره وهلت دموعي

اذرف كثير الدمع وانهض واناديك

يابوي من شي بقلبي يلوعي

لوالبكى يرجعك يابوي لابكيك

مير البكى يابوي مابه رجوعي

ماهو انا يابوي بلحالي ارثيك

ترثيك نجد ونبتها والزروعي

وترثيك جيرانك وربعك وهاليك

ويرثيك درب الطيب من كل نوعي

ويرثيك من وقف جنبك وحواليك

ويرثيك ديم خريم عدة سبوعي

وسجادتك ترثيك وتذكر لياليك

توتر عليها لين وقت الطلوعي

حتى العصا ترثيك وتذكر مماشيك

تمشي بها للخير في كل بوعي

بحسن الختام اليوم كلن يهنيك

بالدين والتقوى وحسن الطبوعي

وبطاعة المولى لها الرب هاديك

وغير الكرم دايم لربعك فزوعي

والباب مفتوح لمن جاك ناصيك

غير الشحم والبن هيل وقدوعي

وتاقف مع المحتاج هاذي مباديك

وتفرج الكربه ولانت بقطوعي

وتسعى لفعل الخير والرب مرضيك

نديمك القران بوقت الهجوعي

تعب القلم عن كل طيب ذكر فيك

يقول طيب ابوك شي يروعي

ماتهمك الدنيا وماجاك يكفيك

راضي بمقسومك ودايم قنوعي

كل ذكر طيبك وعدد حسانيك

واللي يعزونا يجونا جموعي

ويالعبد مادبر الهك يبي يجيك

ولاني على دبرة الهي جزوعي

عساك بالجنه من الرب يجزيك

لازمهرير وحر ولافيه جوعي

عساك بالفردوس وتشهد لك ايديك

بذلتها للخير ولاجله تفوعي

آمين بالفردوس يجزيك واليك

باشجارها وانهارها والفروعي

الله يرحمه ويرحم جميع أموات المسلمين