آخر نفس

قبل ماتبتعـد عنـي تعـال ودي احكيلـك
تعال ومن نفس عمري تجر انفاسهـا حروفـي
مهرة كلامي ارتمت وهـي بشـوق تجريلـك
جريحة العصب جتك دخيله من عنـا جوفـي
هـاب اقدامـي لا تمـر ملبيـه مراسيلـك
خوف(ن)ثعابين البشر تناطر غفلـة سيوفـي
عشت بهواك اطمع ولو نسيم يمر واهديلـك
سلام شوق(ن) ما طفى وطيوفك اكرم ضيوفي
بس الزمن عجل(ن)وانا روحي بسماه ترقيلك
قطع حيل الرجا يومه نوى يبعدك عن شوفـي
غرامك ان كبر باذان الشوق اهتـز يميشلـك
قدم عجز يلاقيلـه شبر(ن)يناسـب وقوفـي
ما غير عيونك ثمنـن عشـق تناثـر بليلـك
تنفس مسكه وهيله صبـاح شـق بكفوفـي
ان الفجر الذي ارسل ضياه لاجل تضويلـك
مدارات الفضا وانكر علي الوقـت معروفـي
ونا الغروب اللي غفت عينه وهـو يناديلـك
وكم رسام اتهيمه جلالـة سكتـت طيوفـي
واليوم اذا رميت فوق اوصال الوصل اكليلك
ذكراك تنهض بشعر ينهـض غبـرة رفوفـي
تعجز سلاطين البعـد اذا رحلـت ترحيلـك
من قلب ينبض لك غرام يحرك صخرة عزوفـي
ولا كل نبض في جسد اذا اوفيـت يوفيلـك
ياما ثيابي انكـرت وقفـات عـزت كتوفـي
ولا كل ظل امتد لك تـراه امتـد يأويلـك
بعض الايادي لى عطت عطاها لاجل تستوفـي
عسا السلامه كل صوب تنتويه تمشـي لـك
وتحط لك تساهيل الحيـاة جناحهـا وتوفـي
تمل ركابـك دربهـا ولاتمـل مـن شيلـك
اجفان عيـن ماقـوت تـرد عنـي حتوفـي